hor.de | Gedichtsammlung | Wörterlisten | Notizen
De nui Zeit
Grad eaba hot a Wäldele
No an der Landstroß grüant,
Hot ussam Busch am Häldele
No s Vogelsang verteant.
Jeatz aber isch as anderescht,
Sind Laub und Gsang verbei,
Und wenn du d Stroßa wanderescht,
Ischt älles gro wia Blei.
Ma' sait jeatz sei as freier,
Seitdeam der Wald sei weag,
Und a'glau sei der Weiher
Und a'bout jeder Fleack.
Ällz soll se nu' rentiara
Und schaffa Geald und Kraft,
- Jo s Land verunganiara
Ischt uja Wissaschaft!